Stefna Libra
Við erum leiðandi í smíði hugbúnaðar fyrir íslenskan fjármálamarkað.
Við bjóðum stolt upp á vörur með sterkan tæknilegan bakgrunn og erum tilbúin fyrir nýja markaði.
Við vinnum skipulega í hópi faglegra og umfram allt ánægðra starfsmanna og vinnum náið með viðskiptavinum okkar.
Okkar gildi
Okkar gildi eru traust, fagmennska, sveigjanleiki og frumkvæði.
Gildin okkar endurspeglast í nánu samstarfi við viðskiptavini, löngum viðskiptasamböndum, frumkvæði í lausnum og ráðgjöf, faglegri nálgun verkefna og stöðugri umbótahugsun.
Gæðamál og verklag
Markmið gæðastjórnunar hjá Libra er að lágmarka gæðakostnað, að uppfylla væntingar og kröfur viðskiptavina án tilviljanakenndra undantekninga og síðast en ekki síst að stuðla að jákvæðri gæðamenningu í fyrirtækinu.
Gæðastjórnunin skiptist í þrjú lykilferli:
Gæðaáætlun Libra byggir á sjálfsprottinni gæðastefnu til margra ára sem samanstendur af hlutverkum, verkferlum og verklagsreglum.
Gæðastýring Libra byggist á stefnumiðuðu árangursmati þar sem mælikvarðar og markmið eru skilgreind fyrir fjóra mismunandi víddir innan fyrirtækisins: Starfsmenn, Innri mál, Viðskiptavinir og Fjármál.
Gæðaumbætur Libra eru drifnar áfram af starfsmönnum og faghópum. Þar er áhersla lögð á stöðugar umbætur, í litlum skrefum.
Samfélagsleg ábyrgð
Eitt af markmiðum Libra er að sýna samfélagslega ábyrgð. Það gerum við meðal annars með því að styrkja góð málefni.
Meðal þeirra sem hafa notið góðs af því eru Rauði Krossinn, Blindravinnustofan, Vímulaus æska, átakið "Mottumars - Karlmenn og krabbamein", Styrktarfélag krabbameinssjúkra barna, Mæðrastyrksnefnd Reykjavíkur, Umhyggja - félag til stuðnings langveikum börnum, UNICEF á Íslandi og Ljósið, þar sem Libra var þátttakandi í söfnunarátakinu "Á allra vörum".
Libra er jafnframt í samstarfi við AMS, Atvinnu með stuðningi.